Scrittori
Cirnese — Chant emblématique du groupe Cirnese, extrait de l'album « Da i to sogni… » (2017).
Couplet 1
A notte sorge per sfiurà a to scrittura
È à lucendiluna cù l’estru vagabondu
A to piuma lesta custruisce un mondu
In l’andatu paisanu di a vechja cultura
Couplet 2
Sempre porti a to petra à l’edifiziu
Sintinella fiera d’esse di issu paese
U versu indomitu eppò e mani tese
Conti una storia spruvista d’artifiziu
Couplet 3
Pueta di dumane, d’oghje è di prima
Ti vogliu ringrazià è dì ti la mio stima
Inalzà ogni mente versu l’alta cima
Chì porti u to core in punta di rima
Couplet 4
Ricusi ogni gabbia di legge inghjusta
Sempre arrittu è prontu à difende
L’anima altiera chì mai ùn s’arrende
Manteni accesa a più nobile brusta
Couplet 5
Umile, presente di pettu à u timore
Lasciendu a to mente corre à briglia sciolta
Scrivi a lettera d’oru, a pace è a rivolta
È per l’eternità a to rima mai ùn more
Couplet 6
Pueta di dumane, d’oghje è di prima
Ti vogliu ringrazià è dì ti la mio stima
Inalzà ogni mente versu l’alta cima
Chì porti u to core in punta di rima
Couplet 7
Pueta di dumane, d’oghje è di prima
Ti vogliu ringrazià è dì ti la mio stima
Inalzà ogni mente versu l’alta cima
Chì porti u to core in punta di rima
À savoir
G.F. Terrazzoni F. Santucci
