Pasturellu di san pè
Cirnese — Chant emblématique du groupe Cirnese, extrait de l'album « Sò di Quelli » (2015).
Couplet 1
Quand’ellu spunta lu ghjornu
Cù la to musetta à collu
Ne pigli quelli stradelli
Chì longanu lu Cugnolu
Ai per solu cumpagnu
Lu to cane pediolu
Couplet 2
I primi raghji di sole
Chì schjariscenu le muntagne
E calanche di San Petru
Induve ci dormenu l’altagne
Faci sente lu to fiscu
Tandu movenu le capre
Couplet 3
Quandu lu to fiscu ribomba
Quassù per le calanche
Falanu a fuga serata
Elle chì ùn sò mai stanche
Sanu ch’ai l’allusingu
Sempre piattu in la to manu
Couplet 4
Dopu fattu la meranda
Ti faci una sunnata
Nant’à un lettu di filette
Passi una bella stondata
À lu frescu castagninu
Ti faci anc’una cantata
Couplet 5
È lu nostru pasturellu
Oghje si n’hè andatu
Soca versu d’altre cunfine
Induv’ellu hè più ripusatu
Quassù ci hè sempre u sole
Hè fiuritu lu so pratu
Couplet 6
In ‘ssu pratu di virdura
Pasturellu ùn hè più solu
Quessa la sò di sigura
È ghjè cusì ch’eo mi cunsolu
Cù lu so cuginu Luisu
Stanu bè in paradisu…
À savoir
M. Campana – J-L. Massey © 2015 Cirnese
