Guerrieri
Chjami Aghjalesi — Chant emblématique du groupe Chjami Aghjalesi, extrait de l'album « Guerrieri Di L’Eternu » (1989).
Couplet 1
Centu milla guerrieri anu francatu la bocca
Tutti vestuti di lume cun trumbett’è cun tamburi
Facenu trimà a terra chi seranu l’auguri ?
Centu milla guerrieri anu francatu la bocca.
Couplet 2
Fissanu un puntu luntanu, a vittoria chi s’avvicina
U nemicu soffrerà sterperanu u so locu
Pè di qual’hè u maestru, diceranu cù u focu
Fissanu un puntu luntanu, a vittoria chi s’avvicina.
Couplet 3
Ma daretu à l’armata l’ultimu hà passu stancu
Carcu à sudor’è sangue trascina la so miseria
Luntanu damanzu à ellu ci hè a musica guerriera
Ma daretu à l’armata l’ultimu hà passu stancu.
Couplet 4
Lu so cantu hè di silenziu è la so paroll’hè muta
Pensa à ciò chi ùn hè più per ùn sente ogni sassu
Di stu caminu di croce chi ormai hè lu so chjassu
Lu so cantu hè di silenziu è la so paroll’hè muta.
Couplet 5
Ma sintite la mio voce, sintite la mio canzona Bis
Per l’ultima umanità è per l’ultimu suldatu
Li so guai lu so sangue, u so passu trascinatu
Hè per ellu, ellu solu ch’eu cantu sta canzona.
À savoir
Chant issu du répertoire traditionnel et de la poésie insulaire.
