Ci hè dinù
Canta u Populu Corsu — Chant emblématique du groupe Canta u Populu Corsu, extrait de l'album « Théâtre De La Ville (Live) » (1981).
Couplet 1
Ci hè dinù tanti paesi strangeri
Fratelli di la briglia è di l’umbasti
Chì traccianu l’idee è li cuntrasti
Sgracinendu cullane di penseri
Ci hè dinù tante razze malavviate
Surelle di l’albore culuritu
Chì piglianu la strada è lu partitu
Di cio chi ci leia à le storie andate.
Couplet 2
Ci sò tutti quessi è po ci sò eo
È lu so passu novu hè dinù meo.
Couplet 3
Ci hè dinù tanti populi malati
Fratelli di la frebba è lu dulore
Chì cantanu li so guai affanati
Cù lu vechju suspiru di l’amore
Ci hè dinù tante forze liberate
Surelle di lu mondu chi s’avvia
Vive, è da tante mane purtate
Chì ci mettenu in core l’allegria.
Couplet 4
Ci sò tutti quessi è po ci sò eo
È lu so passu novu hè dinù meo.
Couplet 5
Ci hè dinù tanti associ per furtuna
Fratelli di l’ochji aperti à lu sole
Indiati cum’è squadre di fole
D’ùn vulè più esse cechi à la funa
Ci hè dinù tante voci discitate
Surelle di a fede è di a salvezza
Chì portanu à l’avvene a so carezza
È valenu più ch’è le fucilate.
Couplet 6
Ci sò tutti quessi è po ci sò eo
È lu so passu novu hè dinù meo.
À savoir
Chant issu du répertoire traditionnel et de la poésie insulaire.
