Un Basgiu Di Tè
Vitalba — Chant emblématique du groupe Vitalba, extrait de l'album « A Lu Ghjornu Spuntatu » (2006).
Couplet 1
La passion d’un homme pour son île, est parfois semblable à celle que peut lui inspirer l’amour qu’il voue à une femme. Elle devient alors à la fois un refuge et la compagne de chaque instant.
Couplet 2
Sott’à volte stillate seguitu i to chjassi
Incalcu i mio passi nant’à e to scarpate
U to dolce pattume, per mè ch’ùn aghju stanza
Cuvene à bastanza, quant’un lettu di piume
Couplet 3
È for di lenzole
Facciu, mente spachja,
Da ch’o dormu bè
Un sognu di sole
Un sognu di machja,
Un sognu di tè.
Couplet 4
A neve d’ogni cresta fughje i raggi caldi
È da prati à valdi maghju face a festa
Di centu mila fiori u trettu veranescu
Di più lesu chè frescu, si strescina l’odori
Couplet 5
À mente fidele,
Di mane è di sera,
Sentu cù piacè
Un muscu di mele
Un muscu di terra
Un muscu di tè
Couplet 6
Per strade sempre spare, à spessu for’di lettu
O cara m’adilettu cù tè da monti à mare
Un ochju à levante, da nant’à a calanca
Vecu dantella bianca di sciuma frisgiulante
Couplet 7
È d’un colpu d’ale,
U gabbianu pare
Purtà fin’à mè
Un gustu di sale,
Un gustu di mare,
Un gustu di tè
Couplet 8
U sole chì si ciotta, à ciombu, nentr’à l’acqua
È l’ombra chì si stracqua attempu ch’ell’annotta
Poi a chjarantana superba, tralucente
Cum’è l’albor’ardente li piglia a suprana
Couplet 9
O Corsica fiore
Di terra ferita
Ti chergu per mè
Un basgiu d’amore
Un basgiu di vita
Un basgiu di tè.
À savoir
GhjuvanPetru Ristori \ Stéphane Ancey Vitalba
