U tempu chì passa

Couplet 1

Chacun peut, en écoutant ce chant, sentir au fond de lui ce que le temps qui passe y a laissé. C’est cela dont parle Ghjuvan Petru Ristori. Ses mots sentent la terre, les années d’école, les amours de jeunesse. Et puis la solitude et ceux qui sont partis, et le trésor des jours qui sont encore à partager.

Couplet 2

Sti trè solchi stampati in fronte

Chì s’incalcanu ogni ghjornu

Sò tutte e m’annate conte

È partute senza ritornu

Couplet 3

Benchì u core ùn sia vechju

Quand’o m’arrizzu ogni matina

S’o mi feghju nentr’à u spechju

Mi dicu : Attenti, s’avvicina

Couplet 4

Dopu cent’anni è centu mesi

Ancu l’acqua, s’ell’ùn hè tolta,

Ritorna fin’à i so paesi

Ma u tempu, mai ùn volta

Couplet 5

Cum’è una petra ch’omu ghjetta,

Chì ùn rivene più in manu

U tempu passa è ùn aspetta

Si brama quand’ell’hè luntanu

Couplet 6

Hè un ricordu zitellinu,

Sò l’ultim’annate di scola,

D’un pasturellu canterinu

In una pieva muntagnola

Couplet 7

Hè un ritrattu, una canzona

D’un prim’amore à quindeci anni

U tempu passa è si perdonna

Centu prumesse, mille inganni

Couplet 8

A ghjuventù hè troppu corta,

Po una mane hè finita

È à l’omu maiò li porta,

Angosce è guai a so vita

Couplet 9

È cum’è un colpu di catana

Chì ci scaperebbe à disgrazia

U tempu fughje, s’alluntana,

Senz’aspittà l’omu chì strazia

Couplet 10

Ci spicca da a nostra ghjente

Senza dumandacci l’avisu

Furtuna chì ci ferma à mente

Sempre un sguardu, un surrisu

Couplet 11

Si conta nant’à qualchissia,

Po una mane, omu s’accorge,

Ch’omu hè sol’à meza via

Pè canta è purtà la croce

Couplet 12

Ùn ci vole micca à esse ingordi,

Un ghjornu ci lascemu tuttu,

È tandu ùn sò più chè ricordi

Trà capitale, fondu è fruttu

Couplet 13

Hè per ciò chì sti ghjorni rari

I me vogliu passà felici

À mez’à tutti i mio cari,

Sempre cantendu cù l’amici

Couplet 14

L’acella santa s’ell’ùn more,

Riturnerà ogni veranu,

Invece u tempu chì corre

D’aspittallu serebbe vanu.

Couplet 15

Ghjuvan Petru Ristori

Anghjula Potentini