U dubbitu

Couplet 1

Si hè stracquatu u sole nantu à una tela doma

E l’aria hè cusi lebbia cusi lindu lu trettu.

U scetru di a putenza l’aghju in manu ma hè soma

Da carricà a lege è u so inghjustu dettu.

Addonda a nustalgia di u me passatu di Roma

Duv’è mi ci aghju lasciatu un tempu benedettu.

Couplet 2

Roma di a maestà e di u rispiru dolce,

Duv’è si gudia à fidighjà li celi.

E le sanghjuvannine sopra à u laziu corse

Chi trillanu d’amore trà venti fatti a meli,

Cù l’onde turchine in anda verdi u tirremu scorse,

Chi vanu à sbarsà u so fiatu à i so rii fideli.

Couplet 3

Ma à chi pro u ricordu di u passatu d’Italia ?

A chi vale di chere a stu paese pace ?

Per chi speranza strigne in manu à mè issa scaglia

Di un marmaru di quallà chi a me core cunface ?

Più, n’ùn portu di Roma ch’è sciabula è battaglia

Quandi in l’anima meia hè nosgia chi ci ghjace.

Couplet 4

Bella hè sta terra d’Oriente cù le so rene d’oru

Cù le so orte in frisgiu da per ogni vallata.

Ci hè pè i so fiumi cheti u spechju di ogni scioru,

E ci hè di notte tempu un cosimu stellatu.

Ma l’omi n’ùn anu pace è sdresgianu u splindore

Chi u so core hè di raghji a so mente ammurbata.

Couplet 5

Anu arricatu a mè dece suldati in tresca

Un’omu for’di sesta chi sumino u scumpigliu.

In l’ochji soi c’era u focu a fiancu a l’esca.

Dicenu à u Sanedrinu chi ghjè locu d’appigliu

Ch’ellu porta a vuciata di a fede birbantesca

Vinuta a mette so Diu in un eternu esigliu.

Couplet 6

Quant’elli eranu dolci u so sguardu u so visu.

Alta a so parolla è a so pace tamanta.

Iss’omu a guaru è solu quant’ellu era dicisu

A sfidà a mannaghja è ogni stonda franta.

Portu in core u so dettu chi ghjè da mè un surrisu

Ind’è l’arca più negra, un surrisu lampante.

Couplet 7

Li daranu a frusta poi u trascinaranu

Da fa lu mette in croce in cima a una culetta

Eiu lu lasciaraghju a u so fatu inumanu

Puru s’è leghju in celu l’accusa ch’ùn fù detta

Chi altro era so brama da fà si omu arcanu

Si invenerà a mio mente è digià lu s’aspetta.