Terraticu

Couplet 1

Maladettu sia quellu chi vene in li mio lochi

Per lu piacè di tumbà ci quandu simu digià pochi

Cù li cappii è li fucili è l’estate cù li fochi.

Ditemi chi male facciu, sterpe in grate è insignurite

Couplet 2

Quandu vo a caccià mi la fame cù le castagne impassite

Ch’è più nimu ùn vole coglie, troppu techje ch’è vo site.

Almenu chi tanta zerga piatti un estru più fanaticu

Di vulè stirpà li mei per pigliassi lu terraticu

Couplet 3

E truvendu cum’è scusa ch’aghju un razzinu salvaticu.

I razzoni ùn si toccanu, chi ghjè robba guasi mansa

Si ponu tene i puchjini, ingrassati à tutta mansa,

Senza libertà nè stimulu, bastà ch’ella sia piena la panza.

Couplet 4

Ma chi diu mi ne liberi, di issu destinu ùn ne vogliu,

A pensà mi ingabbiatu, mi face tantu endogliu,

Megliu hè fraca è more, cù la curagiu di l’orgogliu.

Quantu volti n’aghju vistu, da lu fondu à la mio tana

Couplet 5

Chi ghjunghjenu cum’è famiti, bocca aperta, manu prufana

A impastrà, rompe è purtà si in casa soia a machja sana.

Ch’ella sia cum’ella sia, per ruspà o per fà mi guerra

Tutti iss’altri civilizati ch’investiscenu ancu la serra

Couplet 6

Un ghjornu o l’altru, mortu eiu, si rumaranu la mio terra.