Tandu Scrivu
Vitalba — Chant emblématique du groupe Vitalba, extrait de l'album « A Lu Ghjornu Spuntatu » (2006).
Couplet 1
Quandu i venti cutrati mi battenu a faccia
Chi mi bollenu in capu i sogni citadelle
Sintimi misteriosi chi u spiritu abbraccia
E chi scappanu lestri azzingati à e stelle
Couplet 2
Tandu scrivu u sole chi empie a mio mente
A voce di l’inguernu chi strita fra e frasche
U zirlu canterinu di a fresca surgente
E e bande sparperse quassu in l’alti paschi
Couplet 3
Quandu u dolce rispiru di zia puesia
M’ingutuppeghja l’esse d’un ansciu di serenu
Di e rime accuppiatene scoppia a magia
Cum’e scritte in u celu da un arcubalenu
Couplet 4
Tandu scrivu a machja chi u focu affana
L’andati scappatoghji d’asgiu imbalsamati
A luna chi a i monti face a ninninanna
E i spichi ribelli da l’acule accampati
Couplet 5
Quandu l’estru impachjucu di l’ingegnu s’infiara
E sumerge u mio sguardu di centu mila fiure
Marosulu di lacrime o ridente fiumara
Mi porti l’albe linde o e pessime bughjure
Couplet 6
Tandu scrivu e piane vistute à a maghjinca
O e filicaghjolle chi vaghjime arrussisce
L’alivi l’albitrecce e lecce a tassinca
E l’onda saltarina chi corre per e spisce
À savoir
Chant issu du répertoire traditionnel et de la poésie insulaire.
