Si tu

Couplet 1

Surrisu limpidi chi spanna

U so visu cum’un sole

Affascinenti iss’ochji

Chi mandanu calisginelle

Labre ch’un pittore ha fattu

Venutu da l’alte stelle

Maraviglia, bellezza

Eu un vi contu fole

Couplet 2

E’issi basgi di tenerezza,

Tamanta vere piume

Ch’accarezzanu a mio pelle

Spintu u lume,

Petti scultura viva

Ch’imbalsamanu di prufume,

Core chi s’infuria

Si scatena cum’un fiume.

Couplet 3

Corpu, lettu di vita

Calore ch’infiara

I mio senzi,

Dite senza disciplina

Chi frisgianu tuttu in tè,

Palesanu issi suspiri

E tutti trimuleghja in me

Couplet 4

Sessu, rigalu per gode

Notte infinite d’amore

Ch’aspetta a sumenta

Cume l’apa u fiore

Stonde a perdene fiatu

Sin’a u primu luciore,

Dolci e squisiti mumenti

Ch’un vogliu vede scorre.