Quill’altru mondu
Voce Ventu — Chant emblématique du groupe Voce Ventu, extrait de l'album « Rughju Di Vita » (2005).
Couplet 1
Tandu si parlava assai
Raghjunendu incù passione
Di discità a cuscenza
Evucavamu i guai
Beati d’ammirazione
Davant’ogni resistenza.
Couplet 2
S’ammintava Brasaville
A vittoria in Algeria
Gandhi quant’à Dien Bien Phù
Santa Chjara è u Cile
Praga dopu à l’Ungaria
Tuttu insignava virtù.
Couplet 3
Forse ch’in quill’altru mondu
Ognunu mi diceria
Chì i sogni ghjuvanili
Ùn sò fatti per durà
Forse ch’in quill’altru mondu
Cusì ci vole à pinsà.
Couplet 4
Ùn mancava u curaghju
Nè l’orgogliu nè a fede
Per cambià a nostra sorte
Da un aostu è un maghju
Tutt’ognunu possi vede
Chì si ricusava a morte.
Couplet 5
Forse ch’in quill’altru mondu
Ognunu mi diceria
Chì sò vani i sacrifizii
Per salvà u so campà
Forse ch’in quill’altru mondu
Cusì ci vole à pinsà.
Couplet 6
Sò partutu in ritirata
Chì mi parsi d’esse persu
Quellu latu universale
Sarà permessa a lagnata
Quandu ùn si sente u versu
Di u senza pane nè sale ?
Couplet 7
Forse ch’in quill’altru mondu
Ognunu mi diceria
Ch’ùn ci saria ricchezza
S’ella ùn c’era puvertà
Forse ch’in quill’altru mondu
Cusì ci vole à pinsà.
Couplet 8
Ch’elle creschinu e rame
Di un avvene di divizia
Per chì cunnosce u sprufondu
Ùn invechjanu isse brame
Libertà, pace è ghjustizia
Sia in Corsica o in tondu.
Couplet 9
Forse chì di u mo mondu
Ognunu ne diceria
Ch’ellu hè fola è bucia
Sumerismu è falzità
Forse ch’ind’è u mo mondu
A puderanu pinsà.
À savoir
Chant issu du répertoire traditionnel et de la poésie insulaire.
