Punemu à Mente
Celente — Chant emblématique du groupe Celente, extrait de l'album « Alitu d’Anima » (2019).
Couplet 1
Ghjunti ùn si ghjunti tutti, in purfin’ di u viaghju,
À chi hè torru à vultà, mai sarà più quellu,
A prigio li si ferma, pà u sempre inchjarpata,
Dà dirrudà lu sonnu, pinsendu à issu fiacellu.
Couplet 2
Di core è d’anima pura, s’èrenu pisati un ghjornu,
In quellu mese di maghju, in piena giuventù,
Da salvà la so lingua, da salvà la so tarra,
Campa senza strazià, è innabissà schiavitù !
Couplet 3
È funu tanti à calà l’ochji,
È tant’altri à esse urbiti,
È funu tanti à calà l’ochji,
È tant’altri à esse urbiti…
Couplet 4
Di lu sèculu vinti, si cantanu e sciagure
U macellu in 14 è l’esiliu pricuratu,
L’internu sbiutatu, u clanisimu machjavellu,
Argentella è fanghi rossi, carri armati in Aleria
Couplet 5
So tant’anni ad avà, ch’ella dura l’offesa,
N’aghju vistu soffre mamme,
Aspittendu un figliolu,
N’aghju vistu more babbi,
Aghjaccati da lu dulore,
N’aghju vistu zitelli, pienghje à crepanne lu core.
Couplet 6
Mà oghje simu a voce rivolta,
Ma oghje simu tanti à sperà,
Mà oghje simu a voce rivolta,
Ma oghje simu tanti à sperà.
À savoir
Chant issu du répertoire traditionnel et de la poésie insulaire.
