Couplet 1
Da l’antichi cavalcati
D’una ricerca di l’oru
A paisaghji scurdati
Quandu lu soli si mori
I culori imbalsamati
Chì rallegranu lu cori
Couplet 2
Fussi tù sacru caminu
Di l’idei è di li mossi
Muntagnosu o marinu
Una stradedda à scossi
Pà tuccà locu divinu
Dop’a viaghji cummossi
Refrain
Orizonti chì sà,
Una storia à cuntà
Milli passi à baddà
Sin’à l’aldilà
Couplet 3
Luminosa hè la saetta
Chì cunvia li to canti
À quiddu chì s’avvicina
Di la to ombra l’incanti
Ùn scuntrarà la magia
Ch’inghjinnò quiddi calanchi
Couplet 4
Forsa l’arcanu di l’onda
Chì principia ogni matina
Si ni stà senza risponda
Quandu lu ghjornu si chjina
In gir’à a pianeta tonda
U vial’hè senza fina
Refrain
Orizonti chì sà,
Una storia à cuntà
Milli passi à baddà
Sin’à l’aldilà
Orizonti chì và
Stedda à seguità
Cridanza à sunnià
Dumani à invità