Nostalgia

Couplet 1

Rivecu a mio mamma bella cumè à trent’anni

Incu li so fiori in pettu colti da matina

E rivecu u mio babbu incu stu cappelu negru

Chì cullava in paese tra mezu à le vigne

Couplet 2

U fiume di la vita corre troppu in furia

Oghje anu tutt’i dui i cappeli di nebbia

Ma eiu i vecu sempre cun l’ochji d’un zitellu

E quandu pensu à què mi vene a nostalgia

Couplet 3

Duie loghje, un sulaghju è un vechju scalone

A casa induve sò natu ùn’era un palazzu

Rigali per Natale ci n’era pocu è micca

Ma aghju campatu quì i più bell’anni di a mio vita

Couplet 4

Un’era la miseria ben chì s’assumigliava

Ma c’era sempre u sole po c’era l’amicizia,

In stu paese persu, in stu paese caru

E quandu pensu à què mi vene a nostalgia

Couplet 5

Ma quandu pensa a tè tandu mi scappa u pientu

Tuttu st’amore persu ùn mi nè possu scurdà

Ma quandu pensu a tè si calmanu li venti

Si spenghjenu li fochi e nasce a nostalgia

Couplet 6

E rivecu li vechji chì si ne sò andanti

Per ste machje fiurite quassù in paradisu

S’anu lasciatu quì troppu piazze viote

Cun’elli Ghjesù Cristu parlarà u corsu

Couplet 7

Dumè s’hè spatriatu Antone si n’hè mortu

A scola l’anu chjosa ùn c’era chè trè zitelli

Un pinzutu hà cumpratu ind’è lu c’era u mulinu

E quandu pensu à què mi vene a nostalgia