L’oru
Barbara Furtuna — Chant emblématique du groupe Barbara Furtuna, extrait de l'album « In Santa Pace » (2008).
Couplet 1
Vulia assulià
I to ghjorni ancu à vene,
Di sonnii arraccamà
E to notte serene,
Vulia suminà
Di centumila stelle
Sin’à l’alburià
L’oru di a to pelle.
Couplet 2
Vulia induvinà
I to cenni d’amore
È ti vulia dà
U veranu in un fiore
È vulia intriccià
À cullane di speme
L’ore felicità
Ch’aviamu da passà inseme
Couplet 3
U tempu pò spulà
L’ore cum’è candelle
Ùn possu sminticà
L’oru di a to pelle.
Couplet 4
Vulia navicà
Cun tè à core scioltu,
Gode l’eternità
D’issu mumentu coltu,
U tempu si ne và
È si more ogni stonda,
Di u mio sunnià
U vascellu s’affonda.
Couplet 5
Mi vurria invintà
Un antru lindumane
È per sempre sguassà
Isse ferite landane,
U vurria smattà
Issu focu mai spentu,
Mi vurria scurdà
Eppuru mi ramentu…
Couplet 6
U tempu pò spulà
L’ore cum’è candelle
Ùn possu sminticà
L’oru di a to pelle.
À savoir
Chant issu du répertoire traditionnel et de la poésie insulaire.
