Lingua Corsa
Diana di l’Alba — Chant emblématique du groupe Diana di l’Alba, extrait de l'album « Pueta » (1996).
Couplet 1
Eiu sò la lingua corsa,
Ùn voddu micca mora,
Sò la lingua materna
Di li vosci antinati
Couplet 2
Parchi à tempu d’oghji,
Vulemu tena fora ?
O corsu, senza mè,
Sareti sbattizati !
Couplet 3
M’aveti ghjà spuddatu
Di li paroli antichi,
M’aveti infrustiritu
È m’aveti ingannatu
Couplet 4
Di ciò ch’eiu sò stata,
Ferma pochi vistichi
Parch’aveti vargugna
Di tena u me parlatu …
Couplet 5
Eiu sò la lingua corsa,
Di li vosci maiori
Chi hè stata aduprata
Frà i seculi sani
Couplet 6
Quidda per di « o mà »,
Quidda per di « dulori »
Quidda chi hè stata sempri
In bocca di l’anziani …
Couplet 7
Eiu sò la santa lingua
Chi dopu à u culombu
Ni chjamaia à l’aiutu
Par salvà u paesi
Couplet 8
Sò quidda chi chiria
A polvara è u piombu
Pà stirpà Sarracini,
Grechi o Genovesi …
Couplet 9
Sò a lingua di quelli
Chi oghje sò spariti
Chi ghjacemu in sta terra
Di dolu è di pientu
Couplet 10
E voi, i so figlioli,
Firmate russuriti
S’è in giru à voi, in corsu,
Vi si canta un lamentu !
Couplet 11
Sò la lingua materna
Di le vostre mammone
Chi cuntavanu fole
In giru à lu fucone
Couplet 12
Chi cuntavanu gioie,
Chi cuntavanu affanni
In l’unicu parlà
Di tuttu lu rughjone …
Couplet 13
Sò quella chi, luntanu,
Chjamava u rispettu,
Frà la ghjente amica,
È ancu più furestera
Couplet 14
Sò quella chi sincera,
Sbuttava da u pettu
Di dui corsi spersi
In un fondu di galera …
Couplet 15
S’è voi perdite à mè,
Perdite a vostra razza
Un s’ammintarà più,
Nè ceppu, ne casata,
Couplet 16
Ne sarete in stu mondu
Una rubbaccia lazza
U corsu ùn serà più
Chè lingua tralasciata …
Couplet 17
Eiu sò la lingua corsa
Ùn vogliu micca mora
Sò la lingua materna
Di li vosci antinati …
À savoir
Chant issu du répertoire traditionnel et de la poésie insulaire.
