In ogni core

Couplet 1

Bella si cum’è u ghjornu

Quand’ellu hè prontu à sbuccià

E infiarà u cuntornu

Dolce si cum’è u mele

Chì ne sà inzuccarà

E to lapre è a to pelle

Couplet 2

Si cum’è l’alba

Chi mi scalda

È m’imbriaca

Chì mi cunsola è pò guarisce ogni piaca

In u mio core

Couplet 3

Feconde sò e to tarre

Stese immense à suminà

Da coglie e stonde care

Sicrete sò e to sponde

I to catagni à svilà

Tanti sogni sanu asconde

Couplet 4

Si cum’è l’oru

D’un tesoru

Chì spampiglia

È chi acceca à chì u vede, à chi u piglia

In u so core

Couplet 5

È per tè ne vogliu scrive

Quant’elle sò dolce à vive

E mio stonde à u to fiancu

Scrive quantu sò fatate

E to ire, e to risate

È pò u to sguardu francu

Couplet 6

Pè u mio core

Si cum’un fiume

Mossu di sciume

È d’acque pure

Chi si ne fala è inveranisce l’ore sciagure

In ogni core