Eo è Tù
Tavagna — Chant emblématique du groupe Tavagna, extrait de l'album « Blues di Paese » (1990).
Couplet 1
Eo è tù feremu un omu
Un omu novu eo è tù
Piglia terra, legnu è calcina
Appronta i to ferri dinù.
Couplet 2
U to sangue u truveremu
U truveremu eo è tù
Chì corre in tutte le vene
Di la furiosa ghjuventù.
Couplet 3
Di lume incenderemu u sguardu
L’incenderemu eo è tù
Da sdradicà fame è miseria
è tante è tante schjavitù.
Couplet 4
In la so manu metteremu
Ci metteremu eo è tù
Mazzulu di fiori ribelli
Da fà cresce ogni virtù.
Couplet 5
A so pelle a tinghjeremu
A tinghjeremu eo è tù
Di culore di mille stelle
Rossu, neru è giallu dinù.
Couplet 6
In la so bocca pianteremu
Ci pianteremu eo è tù
U cantu di la lotta eterna
U cunniscimu eo è tù.
Couplet 7
In lu so core piatteremu
Ci piatteremu eo è tù
Una sete di gloria à vene
Per li spluttati più ch’è più.
Couplet 8
Nantu à la spalla li poneremu
Li poneremu eo è tù
Culomba bianca la più bella
Da cincinà e stelle quassù.
Couplet 9
Tù chì mi senti in la bughjura
À bughju simu eo è tù
S’ellu ti piace issu mondu novu
U ci feremu eo è tù.
Couplet 10
Tù chì mi senti in la bughjura
À bughju simu eo è tù
S’ellu ti piace issu omu novu
U ci feremu eo è tù.
À savoir
Chant issu du répertoire traditionnel et de la poésie insulaire.
