Divota
Alcudina — Chant emblématique du groupe Alcudina, extrait de l'album « Alcudina » (2024).
Couplet 1
In un tempu landanu accantu à Mariana
Vidi a luci in u Querciu una zitedda garbata,
Uffrendu a so vita à la luci suprana
A so fedi era forti più ch’è l’ira scalata.
Couplet 2
In a sàpara à l’ascosu
Si n’andaia à pricà,
Senza mai imaghjinà
Quissu avvena spavintosu.
Couplet 3
U Barbaru prifettu incù più d’una spìa
Dicisu era à stirpà l’arasìa cristiana,
Ma nudda ùn pò svià un alma casta è pìa
Chì ancu lu suppliziu fù una mossa vana.
Couplet 4
Com’una bestia a tumbonu
Senza a minima piità,
Ma ùn ghjunsini à brusgià
U so cori dulci è bonu.
Couplet 5
Da i mani di Grazianu è preti Benenatu
U corpu straziatu, salvatu da i fiari,
Pà un intarru degnu in un locu sacratu
Versu l’Africa culà partì nant’à u mari.
Couplet 6
Ma tandu un timpurali
D’un trattu si scatinò,
È una culumbula sbuccò
Da scunghjurà u mali
Couplet 7
À u portu d’Ercule stanciatu u marosu
Truvetini riparu dopu à l’aspru viaghju,
Tandu nant’à u rinaghju pà l’ultimu riposu
A so salma fù posta accantu à un rusulaghju.
Couplet 8
Divota era à u signori
È a vìa cilesta,
È di pettu à ugni timpesta
A so lighjenda ùn mori.
À savoir
Chant issu du répertoire traditionnel et de la poésie insulaire.
