Di mele è di sale
Vitalba — Chant emblématique du groupe Vitalba, extrait de l'album « D’umbria è di sulana » (2011).
Couplet 1
Sò e muse disposte
À impristà mi rime
È scrive e to loche è amintà à tè
E to superbe coste
L’altu di e to cime
È tante e canzone chì ribombanu in mè
Couplet 2
Canzone di statina
Ligere è savurite
Cum’è un fiume mossu à surgente piacè
Canzone maltasgina
Di sponde infreddulite
È tant’altre stagione à invintà per tè
Couplet 3
Stagione à l’appollu
D’un eternu rinnovu
Di culori è profumi chì a natura sà
Dumani à l’affollu
D’ogni sbilanciu novu
Per esse sale o mele di u mondu da fà
Couplet 4
U sale di ‘ssu mare
Prigiuneru o prigione
Nidicale o cabbia d’un avvene à tesse
U mele chì mi pare
Esse in ogni ragione
D’ùn dupità mai più di tutte e to prumesse
Couplet 5
Prumesse di canzone
È di muse disposte
Per cantà e to loche è amintà à tè
Vede à ogni stagione
E to superbe coste
Dà si à ‘sse puesie chì dormenu in mè
Couplet 6
Parolle: Jean Yves Acquaviva
Musica: Toussaint Montera
À savoir
Chant issu du répertoire traditionnel et de la poésie insulaire.
