Corsica Meia
Voce Ventu — Chant emblématique du groupe Voce Ventu, extrait de l'album « Di culori è di sonnii » (2010).
Couplet 1
O Corsica meia ti dò lu mio core
Colmu di bandere pront’à svintulà
Ti dò lu mio fiatu sculpitu d’amore
O Corsica meia u ventu a sà
Couplet 2
In l’ansciu sirenu di la to natura
Sentu a santa chjama di a libertà
Rinvivisce l’alma la to aria pura
O Corsica meia u ventu a sà
Couplet 3
O Corsica meia ti dò la mio manu
Colma di spirenze pronte à suminà
Centu mila spiche da caccià ne u granu
O Corsica meia a terra la sà
Couplet 4
M’incantanu l’esse le to bianche cime
Guerrieri di petra in lo mio sunnià
Sò turnate musa da fà le mio rime
O Corsica meia a terra la sà
Couplet 5
O Corsica meia ti dò la mio voce
Colma di ribomba pronti à annacquà
Di mille onde chjare piaghje è sarre è foce
O Corsica meia u mare la sà
Couplet 6
Diventanu strade li to fiumicelli
Tessenu lu filu di mio sunnià
Battenu cun rabbia marosi ribelli
O Corsica meia u mare la sà
Couplet 7
O Corsica meia ti dò la mio mente
Colma di viaghji pronti à infiarà
Ogni passu fattu di fervora ardente
O Corsica meia u sole la sà
Couplet 8
Schjariscenu l’alma li to raghji d’oru
Schjariscenu u sguardu, l’idea , u pinsà
Da purtà ti fiera à l’altare moru
O Corsica meia U sole la sà.
À savoir
Chant issu du répertoire traditionnel et de la poésie insulaire.
