Celente
Celente — Chant emblématique du groupe Celente, extrait de l'album « Alitu d’Anima » (2019).
Couplet 1
Da li tempi passatoni
L’antenati èranu avvezzi
Ad alzà l’ochji à le stelle
E visticà segni strani
Couplet 2
Picuraghju è capraghjolu
Sicantinu è insulcadore
Lighjianu u libru celestu
Da l’attrachju à i primu albore
Couplet 3
Par piacè è pà bisognu
Ne guardavanu u Celente
E u contu di Salamonu
L’avianu tutti à mente
Couplet 4
A Funaceca di i Stelli
Sempre l’anu suvitata
Pà impiaghjera è muntagnera
Qualvoglia sia accimata
Couplet 5
Celente inghjermaghjolu
Celente, le to lege arcane
Fàcenu girà lu mondu
E la vita hè in le to mane
Couplet 6
Cunniscianu e Impernate
Mutaghjole è Stellulella
Lunaria, Patta e Calende
Lucicore è Cinquinella
Couplet 7
Di notte sapianu l’ora
Cù la stella Tramuntana
U postu di li Signali
Verguli, Caru è Diana
Couplet 8
O beata quelle stonde
Ghjente è celu in armunia
E lu Corsu un li so fatti
Rispettu in la natura avia
Couplet 9
Ma li sèculi so scorsi
Cum’è làcrime di luna
E li strolaghi so spenti
Li sicreti so in bruma
Couplet 10
Celente inghjermaghjolu
Celente, le to lege arcane
Fàcenu girà lu mondu
E la vita hè in le to mane
À savoir
Chant issu du répertoire traditionnel et de la poésie insulaire.
