Cambià u Mondu
Celente — Chant emblématique du groupe Celente, extrait de l'album « Alitu d’Anima » (2019).
Couplet 1
S’e avissi a putenza
Adupraria tandu e forze
Per fà sparte l’abbundanza
E di a pianeta e risorze
Ghjuvendumi cà di l’arme
Per chi nimu morga di fame
Couplet 2
S’e avissi a sapienza
A struzzione è u naturale
S’e era d’alta intilligenza
Di rinumata universale
Tandu faria chi a scenza
Possa curà ogni male
Couplet 3
S’e avissi donu divinu
E i miràculi pudè fà
Cambiaria lu destinu
Di à chi nasce per strazià
Eppo esse induvinu
E ancu a disgrazia parà
Couplet 4
S’e avissi lu cummandu
Pigliara e decisione
Per chi più mondu tandu
Si trovi in situazione
Di lascià more u puvarellu
Per tratichjà u riccone
Couplet 5
Chi u riccone ùn si ne face
Quessa eiu aghju capitu
Mancu appena li dispiace
Mai ùn pisarà un ditu
Chi lu troppu techju si sà
Micca crede u famitu
Couplet 6
S’e fussi lu più supranu
Truvaria le manere
Per fà u mondu più umanu
Senza muri nè fruntiere
Induve ci dariamu a manu
Libari senza galere
Couplet 7
S’e fussi lu Criatore
Cambiara oghje a figura
Fendu di a tarra un fiore
Mezu à un nidu di virdura
Induve ghjustizia è amore
Sarianu a maio primura
Couplet 8
S’e avissi u putere
Di pudè cambià u mondu
A faria incù piacere
Per ch’ellu girga più tondu
Per fà finisce le guerre
E dinù salvà u circondu
À savoir
Chant issu du répertoire traditionnel et de la poésie insulaire.
