A Me Nazioni
Voce Ventu — Chant emblématique du groupe Voce Ventu, extrait de l'album « À u ritimu di e sperenze » (2021).
Couplet 1
A me Nazioni hè quidda di a me ghjenti
Nata à u più prufondu di l’essari umanu
Chì hà schiaritu i chjassi di l’uccidenti
Quandu era scuru è senza lindumani.
Couplet 2
A me Nazioni hè quidda di u travagliu
Di li mani sulcati è di u sudori caldu
Di li pugni alzati à li milli battagli
Hè lu cantu scemu chì porta è riscalda.
A me nazioni
Couplet 3
A me Nazioni hè quidda chì po essa toia
D’amori è spartera è di tanta spiranza
Com’è un soli d’istati hè d’ogni gioia
Sona rivolta è canta a tularanza.
Couplet 4
A me Nazioni hè quidda di a libartà
À lu squardu sinceru è à calchì difettu
Ma hè dimucrazia chi un si po nigà
Strada sicura incu lu Moru in pettu.
A me nazioni
Couplet 5
A me Nazioni hè quidda di la raghjò
Di una luci antica chì m’hè sempri arritta
Di un populu à chì un si pò dà lizziò
Quantu issa tarra hè di straziu culpita
Couplet 6
A me Nazioni hè quidda d’un paisucciu
Da l’anima putenti quant’è l’Universu
Un po essa di la to Francia un pizzucciu
È canta ci puru li to falsi versi.
A me nazioni
A me nazioni
À savoir
Chant issu du répertoire traditionnel et de la poésie insulaire.
