A ghjastema

Couplet 1

Com’edda hè buciarda la ghjenti

Dici ch’e’ so’ un maldicenti

Ch’edda mi piaci à ghjastimà

Senza nissun unestità

Couplet 2

A tutti issi rompicugliona

Li didicheghju issa canzona

In trè tratti l’aghju cumposta

Da vindicammi à bedda posta

Couplet 3

U me vicinu chì hè cusì stragnu

Cusì bruttu chì pari un ragnu

Ch’eddu s’annodi u so chjirchjeddu

E ch’eddu li boddi u ciarbeddu

Couplet 4

A me cummari issa cacarona

Ch’è li s’aggrancani l’armona

Ch’è li falghi a piscia ghjilata

E ch’edda firmessi agrunchjata

Couplet 5

Ripigliu

Quant’è tù se’ maldicenti

Peghju di tè ùn ci n’hè

U me chjucu sighi attenti

Couplet 6

Ch’edda ùn falghi in coddu à tè

U me cucinu issu ciamburlinu

Chì ùn vali mancu un quattrinu

Ch’eddu piccia in fiari à l’infernu

Couplet 7

E po andassini à caternu

U me ghjènnaru issu mucciconu

Issu muritoghju issu latronu

Ch’eddu crepi com’a fasgiola

Couplet 8

E firmassi nant’à una tola

Quant’è tù se’ maldicenti

Peghju di tè ùn ci n’hè

U me chjucu sighi attenti

Couplet 9

Ch’edda ùn falghi in coddu à tè

A me nora issa baschirona

Issa cagastizza issa caprona

Ch’edda si smittessi i canteghja

Couplet 10

E ghjunghji à l’ultima curreghja

A me moglia issa sbancalata

Issa zecca niedda spugliaccata

Ch’eddu li falghi addossu u tonu

Couplet 11

E lampalla in un carabonu

Quant’è tù se’ maldicenti

Peghju di tè ùn ci n’hè

U me chjucu sighi attenti

Couplet 12

Ch’edda ùn falghi in coddu à tè

In quant’à mè quandu la sorti

Mi farà infattà la morti

Li diciaraghju : robba da forca

Couplet 13

Vatini puru in zuliforca

Nanzi di mora à cripatura

O muddizzò stà pur sicura

Tengu par tè in emma ed emma

Couplet 14

A me ultimona ghjastema

Quant’è tù se’ maldicenti

Peghju di tè ùn ci n’hè

U me chjucu sighi attenti

Couplet 15

Ch’edda ùn falghi in coddu à tè

A t’emu ditta à cori strintu

A t’emu ditta ancu bè

A ghjastema lu me tintu

Couplet 16

Hè pur’ falata in coddu à tè.

Paulu Desanti / Marcu Valentini