1914

Couplet 1

U fretu assalta le mio osse

Aspittendu u fiacellu, al di fora di e fosse

Scimizia assassina, scimizia assassina

Couplet 2

Duv’è u statu francese assupranitu

Invia i nostri à fassi tazzà da lu piombu

E di punta à u muritoghju, barisgiali sdichjavati

E di punta à u muritoghju, barisgiali sdichjavati

Couplet 3

Aghjaciulatu à nant’à issa pianura cutrata

Fideghju u celu lindu duv’è i nuli bianchi

S’infiuriscenu di i visi di i mei

Couplet 4

Aghju persu tanti fratelli cari

Mamma brenna mo s’hè custagna

M’azzingu à issu pocu

So mortu vivu à mezu à a fangaghja

So mortu vivu à mez’à u murtizzu

Couplet 5

So solu è m’invengu di la mio terra amata

I muschi machjaghjoli è l’amore d’una moglia

Per scancellà l’infracichera

Per scancellà i mughji umani

Couplet 6

Sta mane torna, a neve di dicembre

Ammanta i corpi assiccati

Sprufundendu cusi l’avvene in mutighjine