Focu

Couplet 1

T’arricordi quelli ghjorni

U sole t’era fratellu,

E lu ventu ti fischjava

Lu so risu in riturnellu.

Oghje si sò alligati

Per dà spaventu è macellu;

Hè per tè, o terra meia,

Questu ripigliu ribellu.

Couplet 2

T’arricordi, o terra, benedette ‘sse stonde,

I prati s’arricciulàvanu di spiche bionde ;

Oghje s’hè ingrisgiata a to muntagna fiera,

E l’acellu hà fughjitu lu celu chì dinnera ;

E lu to sangue corre cume licore fina

A fiumare in qualchì gola assassina.

Couplet 3

Ripigliu:

Focu,

Ghjente si vergogna pocu,

Ma ùn hè micca un ghjocu,

Focu,

Morta a terra, morte e speme,

Battèmuci tutti inseme.

Couplet 4

T’arricordi, o mare, u gustu savuritu

D’issu mondu di sole è d’ombra culuritu ;

T’arricordi, o omu, ‘ssu locu suminatu

Duve anni per anni tù sì ingrandatu ;

Ma cosa po fiurisce in core di lu mio cantu

Quandu una terra vita diventa campusantu.

Couplet 5

Vogliu stupà in faccia d’issi vili prufitti

Chì t’hanu cundannata ma simu sempre arritti

Sempre arriti !