Traditionnel · 2015
Terra Celta
Jean Marc Ceccaldi — Chant emblématique du groupe Jean Marc Ceccaldi, extrait de l'album « Scelta Celta » (2015).
Couplet 1
Longhi l’anni chì si n’era partuta la musa
Viaghjendu per lochi luntani assai
Ma bastò quell’ arietta di caramusa
Per ch’ella volti più bella chè mai
Musica surella di Brittania a Gaella
Un giardinu ch’ùn pianta mai di fiurì
Corsa ferma a mio scelta, ma ti vulia dì
Terra celta maga quante tù sì
Couplet 2
Mi ramentu quest’ore, ghjunghjia l’albore
A ricercà meraviglie piattate
M’hà guidatu Merlinu l’incantadore
Per a furesta à u ballu di e fate
Chjerchji di stantari, maestosi altari
A ‘ssi dii antichi chì camponu quì
Corsa ferma a mio scelta, ma ti vulia dì
Terra celta strana quante tù sì
Couplet 3
Zilifrina ghjunta d’e culline d’Irlanda
Mi murmucinò millaie di fole
Si strapponu tandu e nebbie sopr’à Brocelianda
Svilendu i fulletti fughjendu u sole
Bevii à a funtana di a fata Morgana
Sete ormai ùn vulerà più finì
Corsa ferma a mio scelta, ma ti vulia dì
Terra celta bella quante tù sì
Couplet 4
Temu quelle stonde di lascià le to sponde
Pena chì si sola à pudè guarrì
Corsa ferma a mio scelta, ma ti vulia dì
Terra celta cara quante tù sì
À savoir
Chant issu du répertoire traditionnel et de la poésie insulaire.
Autres chansons de Jean Marc Ceccaldi
Traditionnel