Polyphonie · 1981
Terra brusgiata
A Filetta — Chant emblématique du groupe A Filetta, extrait de l'album « Machja n’avemu un’antra » (1981).
Couplet 1
Quantu n’aghju vistu soli
Sprichjà daret’à i monte
In li tempi più landani
Cusi dolce quelle stonde.
Couplet 2
Quantu n’aghju parturitu
Allegria è cuntintezza
Sfilavanu tandu l’ore
Senza cunnosce amarezza.
Couplet 3
Quantu n’aghju datu latte
E tanti figlioli amati
Chi cù falgione è rustaghja
Allisciavanu li prati.
Couplet 4
Quantu n’aghju intesu canti
Rifugi di tante sete
Virdura di castagneti
Aliveti è aranceti.
Couplet 5
Oghje sò terra brusgiata
Negra di guai è tristezze
Un sò più la terra antica
Mamma di tante billezze.
Couplet 6
Cagione di stu scumpientu
Sò l’omi ch’anu pinsatu
A feri li mio rughjoni
Cù lu focu arrabiatu.
Couplet 7
Viutendu pieve è paesi
Di li so bracci più forti
L’omi di male anu compiu
Cusi la tragica sorte.
Couplet 8
Ma in mè la marturiata
Leva una sumenta nova
Chi assuva li mio solchi
Hè sumenta di rivolta… Bis
À savoir
M. Frassati \ G.C. Acquaviva A Filetta.
Autres chansons de A Filetta
Polyphonie