Chanson · 2018
S’anu pigliatu a mo canzona
Diana di l’Alba — Chant emblématique du groupe Diana di l’Alba, extrait de l'album « A Ghjanna di L’Incanti » (2018).
Couplet 1
S’anu pigliatu a riturnella, ch’avia fattu per Maria,
Eppuru tandu mi paria, d’esse u solu à sapella.
Soca quandu l’aghju cantata, a s’hà colta a tramuntana,
E fin’à la costa luntana, l’hà d’igni locu suminata
Couplet 2
E dapoi senza sapella, i giuvanotti à chjar’di luna,
Per a bionda o per a bruna, càntanu la mio riturnella.
S’anu arrubbatu a mio canzona, quell’a ch’aghju fattu per Rosa,
Metà in rima, metà in prosa, è più ci pensu è più mi stona,
Couplet 3
Un ci era tanta puesia, u versu era sgalabbatu
L’aghju cantata in serinatu è tandu à Rosa li piacia.
Ognitantu quandu a sentu, a canzona fatta per Rosa,
Banch’ella fusse simile cosa in fond’à mè, ne so cuntentu.
Couplet 4
S’anu cantatu e mio canzone, fatte pè Paula, pè Stella,
Margherita o Isabella, seguente l’estru o la stagione,
Ci pensu è mi dicu aspessu, chi s’ell’avissimu ghjuvatu
A qualchi coppiu innamuratu, ùn serà statu tempu persu.
Couplet 5
Ma la mio canzona d’amore, hè quella chi hè stata fatta
Solu per tè, ch’o tengu piatta, in un scornu di lu mio core,
Dapoi ch’è no ci cunniscimu, s’ell’ùn hè à a mio ghitarra
Quella fatta per tè o cara, ùn l’aghju mai cantata à nimu.
À savoir
Chant issu du répertoire traditionnel et de la poésie insulaire.
Autres chansons de Diana di l’Alba
Chanson