Chanson · 2026
Reame
Petru Guelfucci — Chant traditionnel corse interprété par le groupe Petru Guelfucci.
Couplet 1
M’arricordu l’armunia
Di quella alba purpurina
È a stella matutina
Ch’inde u celu sbiadia.
Couplet 2
M’arricordu l’aria pura
È l’ansciu di a natura
Quandu u ghjornu nascia.
Couplet 3
M’arricordu a carezza
Di l’ambata prufumata
È u velu tinnarezza
Di a sciuma immaculata.
Sempre a mio nave mi pare
Azzicata da u mare
Chì m’annanna incù dulcezza.
Couplet 4
Eiu ch’aghju sulcatu
L’onde di tanti mari,
Per l’orizonti chjari
Ch’avia sunniatu…
Eiu ch’aghju sfrisgiatu
L’onde di l’oceani
Per i vostri dumani
Ch’avia sunniatu…
Couplet 5
M’arricordu u cristallu
Di issu reame turchinu
È ogni fondu marinu
Intricciatu di curallu.
È tante sirene bionde
Principesse in le so onde
Chì m’invitonu à u ballu.
Couplet 6
M’arricordu a magia
Di quella attrachjata bruna
Quandu u sole ridia
Ghjuchendusi cù a luna.
Couplet 7
Era l’ora più serena
Fascendu d’oru a rena
L’ultimu ragiu muria.
Couplet 8
Eiu ch’aghju sulcatu
L’onde di tanti mari,
Per l’orizonti chjari
Ch’avia sunniatu…
Couplet 9
Eiu ch’aghju sfrisgiatu
L’onde di l’oceani,
Per i vostri dumani
Ch’avia sunniatu…
À savoir
Chant issu du répertoire traditionnel et de la poésie insulaire.
Autres chansons de Petru Guelfucci
Chanson