Traditionnel · 2018
Qualcosa in più
Christophe Mondoloni — Chant emblématique du groupe Christophe Mondoloni, extrait de l'album « Campà » (2018).
Couplet 1
Trà di nò hè natu l’ardori
Mai campatu incù nimu,
Chì senza parlà ci capimu
À frisgiu d’ugni batticori,
È cunvinti di quiss’amori
U tempu suspesu tinimu.
Couplet 2
Trà di nò fughji u disprezzu
Attempu à l’affettu vanu,
È l’animi appalamanu
Ugni stonda hè senza prezzu,
Chì quandu lestu ti carrezzu
Sfrisgiu tandu u mondu sanu.
Couplet 3
Trà di nò sfila l’eternità
È a cirtezza d’ugni virtù,
Andendu sempri à tù per tù
Spartimu a richezza d’amà,
Ciò chì omu ùn si sà spiicà
A gioia, cù qualcosa in più.
Couplet 4
Trà di nò u pocu hè tantu
Couplet 5
Ch’ùn sguardu solu ci unisci,
È ugni spera rinvivisci
Da risanà ciò chì s’hè frantu,
Chì da quandu mi sè accantu,
Ciò ch’aghju in giru sparisci.
Couplet 6
Trà di nò, tuttu hè parmessu
Chì a vita ci invintemu,
È sempri avanti andemu
Versu un avvena prumessu,
Ugni sonniu c’hè cuncessu
Ch’una stessa parsona semu.
Couplet 7
Trà di nò sfila l’eternità
È a cirtezza d’ugni virtù,
Andendu sempri à tù per tù
Spartimu a richezza d’amà,
Ciò chì omu ùn si sà spiicà
A gioia, cù qualcosa in più.
Couplet 8
Paroles : Ghjuvan Federicu Terrazzoni
Musique : Christophe Mondoloni
À savoir
Chant issu du répertoire traditionnel et de la poésie insulaire.
Autres chansons de Christophe Mondoloni
Traditionnel