Polyphonie · 2009
Paesi d’Oghje
Tavagna — Chant emblématique du groupe Tavagna, extrait de l'album « L’Ortu Di e Nostre Muse » (2009).
Couplet 1
A mio casuccia à mezu à tant’altre listesse
In issu paese novu induve sò venutu à stà
Ogni ghjornu disceta l’amarezza d’ùn esse
Vicinu à quelli chì m’anu vistu ingrandà
Couplet 2
A vita qualchì volta face attempà le brame
È à ciò chì ci impreme ùn si pò dì di sì
U bisognu vi piglia tutte quell’ore calme
Lascia solu un ricordu chì v’aiuta à stà quì
Couplet 3
Ci aghju solu in cumunu cù quelli chì aghju accantu
Issu muru chì trameza per ùn pudè passà
È puru s’ellu hè chjucu pare cusì tamantu
Mez’à tanta paura pè sparte cumu fà ?
Couplet 4
Forse anu anch’elli in core qualchì locu lasciatu
Chì stentata a vita i viderà vultà
È ghjè solu in l’attesa di issu ghjornu speratu
Chì soli mez’à tutti elli ponu campà
Couplet 5
Da quì à induve sò natu ùn ci hè mancu un’oretta
Ma mi si pare d’esse pè qualchì cuntinente
Induve hè a ricciata è induve hè a stretta ?
Ùn ci hè mancu una piazza per esse à mezu à a ghjente
Couplet 6
Cumu fà per truvà di pettu à l’addisperu
Daretu à issi purtoni un amicu, un amore
Tuttu ciò chì ci stringhje quandu lu core hè neru
Si ne và cù issi lochi senza nisun’ rimore
Couplet 7
Certi anu vistu quì u so sognu felice
Chì ne serà dumane di issu novu campà
Quandu a vita ghjunghje di a fine à l’orice
È chì nimu ùn s’affacca dicendu « cumu và ? »
Couplet 8
Centu casi vicinu ùn sò micca un paese
Sì quand’ellu si more più nimu ùn la sà
Cumu falli una storia à mezu à tante offese
À issu paese novu induve sò venutu à stà
Cumu falli una storia à mezu à tante offese
In issu paese novu more l’umanità.
À savoir
Chant issu du répertoire traditionnel et de la poésie insulaire.
Autres chansons de Tavagna
Polyphonie