Chanson · 2011
L’Isula Sola
Vitalba — Chant emblématique du groupe Vitalba, extrait de l'album « D’umbria è di sulana » (2011).
Couplet 1
O quantu vuleria scrive chi a mio storia hè di pace
Chi l’albori ch’aghju vistu si so pisati sereni
Ma à empie a mio mente so centu mila e strage
E di fiure sanguinose i mio ricordi so pieni
Couplet 2
Aghju vistu tantu volte u mio mondu piccia focu
Per una croce, un spechju o per un palmu di terra
Per una fede, un’idea, per u pusessu d’un locu
l’omi move e battaglie, l’omi dà si à a guerra
Couplet 3
Eiu so l’isula sola
Locu di tanti sicreti
un’isulella di fola
Musa di tanti pueti
So un’isula sulella
Mi chjamanu a più bella
Couplet 4
Aghju vistu l’orisonte ghjugne tanti battilloni
E i sullati à millaie calpighjà e mio marine
Aghju in core è vinice di ‘ssi tempi bughjiconi
E piengu à fiumi pieni è mio pene senza fine
Couplet 5
Da sempre so stata eiu ogettu di ogni imbliglia
Quella chi omu vulia cumprà, vende o cunquistà
Quella stella ch’in lu celu di più cà l’altre spampiglia
E ch’ognunu vuleria di e so mani tuccà
Couplet 6
Eiu so l’isula sola
Locu di tanti sicreti
un’isulella di fola
Musa di tanti pueti
So un’isula sulella
Mi chjamanu a più bella
Couplet 7
Ma vogliu sperà e crede in un dumane sfarente
Sunnià di l’ore à vene cum’è di tant’allegrie
Vede e so albe chjare è di pace splendurente
Pisà si à l’infinita cum’è in le puesie
Couplet 8
E vogliu di à i mei, à i mio figlioli cari
In un cantudi sperenza, in un’ardente prighera
Di francà mi a l’ora mai di tanti ricordi amari
E di tene caru à mè di più cà a mio bandera
Couplet 9
Eiu so l’isula sola
Locu di tanti sicreti
un’isulella di fola
Musa di tanti pueti
So un’isula sulella
Mi chjamanu a più bella
À savoir
Jean Yves Acquaviva / Vitalba
Autres chansons de Vitalba
Chanson