Chanson · 2018
Lamentu di u Mazzeru
Diana di l’Alba — Chant emblématique du groupe Diana di l’Alba, extrait de l'album « A Ghjanna di L’Incanti » (2018).
Couplet 1
Eò so mazzeru
Umbrosu pelegrinu
A notte ceca
Chì dulente caminu !
Couplet 2
Fendu in sognu caccighjate
Vecu ghjente cundannate
Cù un’antica magunia
Nù una bèstia à l’agunia.
Couplet 3
So di falcina
Lu servu malmatu
In lu paese
Da tutti ghjastimatu
Couplet 4
Solu a voce di li fiumi,
Lu stillente è li so lumi,
Li machjoni è li castagni
Fèrmanu li mio cumpagni.
Couplet 5
Ogni trent’unu
Di lugliu hè la Mandraca
Pocu sterminiu,
A chì more, à chì fraca!
Couplet 6
In core di la battaglia
Simu tutti à taglia taglia
Cù lu sacru talavellu
Fin’à l’alba o chì macellu !
Couplet 7
Scumunicatu
So pè li mio turmenti
Per mè nè croce,
Nè santi sacramenti,
Couplet 8
Mi perdonghi lu Signore
Per sècula seculoru,
Ghjurgu à Diu u core tristu
Ch’ùn aghju inchjudatu à Cristu !
Couplet 9
A chi mi sente
Li precu longa strada
Ch’ellu ùn iscontri
A Mumma murtulaghja
Couplet 10
D’avanzu à lu sfurtunatu
Ch’una sera aghju ammazzatu,
Dumandu ch’ellu mi scusi
Ma sò guardianu di l’usi !
À savoir
Chant issu du répertoire traditionnel et de la poésie insulaire.
Autres chansons de Diana di l’Alba
Chanson