Polyphonie · 2009
Fiuminale
Tavagna — Chant emblématique du groupe Tavagna, extrait de l'album « L’Ortu Di e Nostre Muse » (2009).
Couplet 1
Qualchì tettu chì spunta francatu u pughjale
È l’ochju chì si perde circhendu à Fiuminale
Piattu da u castagnu u s’amicu fidatu
Chì per fà li un mantellu mai un hà risparatu.
Couplet 2
Vicinu à e so casi hè postu un urticellu
È pè solu rimore chjuchjuleghja un acellu
Cantendu à più pudè pè fà crede à u mondu
Chì di ghjente oramai n’hè pienu lu circondu.
Couplet 3
Ma s’hè spinta l’ultima lumera
Di issu paese piattu à mezu à i frasconi
U tempu s’hà pigliatu l’anima di issu rè
Ch’era soffiu di vita à e quattru stagioni.
Couplet 4
Più indà un tendidoghju spugliatu è in l’attesa
Di sente torna addossu quella camisgia tesa
Si ramenta u tempu vestutu di lenzoli
Mani leste di donne è rise di figlioli.
Couplet 5
A chjesa testimone di tanta spernuccera
Cerca anch’ella un cristianu per sente una preghera
È s’ellu ùn ci hè più tettu è s’ellu ùn ci hè più muru
Pare ch’ella ci dica « aiò entrite puru ».
Couplet 6
Ancu u vechju zigliare frustu da e scarpate
Ghjace mez’à e petre di e ripe falate
Cum’è un sullatu persu ch’una guerra hà lasciatu
Spera un’ultima volta d’esse torna francatu.
Couplet 7
È sopr’à a funtana dui vechji chjarasgi
Di u sole d’estate ne staccianu i ragi
Aspettendu dipoi senza mai stancà si
Quellu ch’à tutte l’ore venia à rinfriscà si.
Couplet 8
Ma u tempu s’hà pigliatu l’anima di issu rè
Ch’era soffiu di vita à e quattru stagioni
È s’hè spinta l’ultima lumera
Di issu paese piattu à mezu à i frasconi.
À savoir
Chant issu du répertoire traditionnel et de la poésie insulaire.
Autres chansons de Tavagna
Polyphonie