Polyphonie · 2009
Dormenu i To Passi
Tavagna — Chant emblématique du groupe Tavagna, extrait de l'album « L’Ortu Di e Nostre Muse » (2009).
Couplet 1
Dormenu i to passi
In la casa tranquilla
Di tempu smisuratu
È di vita chì sguilla
Dormenu i to passi
Nantu e vechje chjappelle
È a luna ci ghjoca
À corre cù e stelle
Couplet 2
Tuttu pare firmatu
Eiu veghju è t’aspettu
Mi pigliu un libru in manu
Forse ancu digià lettu
Dorme lu mondu sanu
Tù, un sognu ti porta
Nantu un cavallu biancu
In tempi d’una volta
Couplet 3
Ma dumane à lu fà di u ghjornu
Seranu li to passi u più bellu viaghju
L’annacqueremu inseme u solcu di a vita
Suminatu d’amore ch’eo ti cuglieraghju.
Couplet 4
Dormenu i to passi
Di muscu inzuccheratu
Un pezzucciu di tè
Ch’è tù t’ai lasciatu
Nant’un pannu cappiatu
O una vesta appesa
Rispiru d’un amore
Una fiaccula acccesa
Couplet 5
In stanza silenziosi
Di notte ingutuppati
Dormenu i to passi
Cù i mei intrecciati
Dorme lu to calore
In li mio sogni piatti
Di gode lu per sempre
L’amore ch’è tù sparti
Couplet 6
Dormenu i to passi
Ma u tempu si sgrana
Pianu nasce l’albore
A notte s’alluntana
Cum’un cennu di vita
Si sente digià fora
Un acellu chì dice
Chì prestu serà l’ora
Couplet 7
U sole à lu purtellu
Disceta lu to visu
In la casa tranquilla
Si spanna u to surrisu
Di basgi insunnuliti
È stonde à abbraccià si
L’amore in core à noi
Hè venutu à calà si
Couplet 8
È stamane à lu fà di u ghjornu
Dicenu i to passi u più bellu viaghju
Annacquemu lu inseme u solcu di a vita
Suminatu d’amore ch’eo ti cuglieraghju
À savoir
Chant issu du répertoire traditionnel et de la poésie insulaire.
Autres chansons de Tavagna
Polyphonie