Chanson · 2021
Cantaremu a vita
Voce Ventu — Chant emblématique du groupe Voce Ventu, extrait de l'album « À u ritimu di e sperenze » (2021).
Couplet 1
Dice lu fiume rossu
Quant’ellu corre l’oddiu
In stu mondu turnatu
Carneghju è scimità
Pè qualchi Diu cioncu
O affare di soldu
Un vale più nè vita
Nemmancu umanità
Couplet 2
L’omi turnati bestie
Animali carnaghji
Ridenu à vede more
Una donna, un zitellu
Scalanu ste rubbacce
Nant’a i nostri rinaghji
A toglie vite
Impunendu macellu
Couplet 3
E li stati imputenti
Cun discorsi vigliacchi
Palesanu, O vergogna
Orgogliu e dibbulezza
Cantu d’ipucrisia
Tale un ghjocu di scacchi
Vite sacrificate
A putere e ricchezza
Couplet 4
Volenu a sapemu
Accatizza paure
Tra l’omi e le culture
Alza tante muraglie
Nutrisce l’ira viva
Nutrisce le sciagure
E fa nasce
E guerre, le battaglie
Couplet 5
Site maladetti
Purcacci à cor’di morte
Chi vulete in stu mondu
Spinghje le mente d’oru
Più purtarete bughju
Più luce serà forte
Chi site pochi è micca
Di pettu à un tisoru
Couplet 6
Ci purtarete l’oddiu
Vi cantaremu amore
Purtarete lu neru
Vi saremu culore
Purtarete tristezza
Saremu gioia viva
Purtarete la morte
Cantaremu a vita
Couplet 7
Purtarete tristezza
Saremu gioia viva
Purtarete la morte
Vi cantaremu a vita.
À savoir
Chant issu du répertoire traditionnel et de la poésie insulaire.
Autres chansons de Voce Ventu
Chanson